Мектепке дейінгі балалар ұйымына жолдама қалай алуға болады
Мектепке тіркеу үшін құжаттарды қабылдау
Өрт қауіпсіздігі
Текст
"Ақмола облысы білім басқармасының Целиноград ауданы бойынша білім бөлімі Софиевка ауылының жалпы орта білім беретін мектебі" коммуналдық мемлекеттік мекемесі
Коммунальное государственное учреждение "Общеобразовательная школа села Софиевка отдела образования по Целиноградскому району управления образования Акмолинской области"
Мұқағали Мақатаевқа 90 жыл
24.02.2021
Ақиық ақын Мұқағали Сүлейменұлы Мақатаевтың туғанына биыл 90 жыл толып отыр. Деректер бойынша, ол – 1931 жылы 9-шы ақпанда Алматы облысы, Райымбек ауданы, Қарасаз ауылында дүниеге келген. Ал ақынның анасы Нағиман апа былай деген: «Мұқағалиым 1931 жылы наурыз айының 8-інде дүниеге келген болатын. Жаңылысуым мүмкін емес. Себебі балам мынау фәнидің есігін ашқаннан біраз уақыт кейін Наурыз тойы болады, наурыз көже жасаймыз деп күтіп отырғанбыз» . Шын аты Мұхаммедқали – қазақтың лирик ақыны, мұзбалақ ақын, өз заманында лайық бағасын ала алмаса да өзінен кейінгілер үшін мәртебесі биік ақиық ақын. “Қарлығашым, келдің бе?”, “Дариға жүрек” (1972 ж.), “Аққулар ұйықтағанда”, “Шуағым менің” (1975 ж.), “Соғады жүрек”, “Шолпан”, “Жырлайды жүрек”, “Өмір-өзен”, ”Өмір-дастан” және т.б. жыр жинақтары, сондай-ақ, “Қош, махаббат!” (1988 ж.) атты прозалық кітабы да бар. Біршама өлеңдеріне ән жазылды. Өзін аудармашылық қырынан да сынап көрген Мұқағали Дантенің “Құдіретті комедиясының” “Тамұқ” деген бөлімін (1971 ж.), Шекспирдің “Сонеттерін” (1970 ж.), Уолт Уитменнің өлеңдерін (1969 ж.) қазақ тіліне аударды.
Жыл сайын осы мезгілде ақынның есімін еске алу Софиевка мектебінде де дәстүрге айналған. Карантинге қарамастан, биыл да оқушылар тау тұлғаға құрмет көрсетті. Ақынның өлеңдерін мәнерлеп, жатқа айтты әрі видео челлендж ретінде бір-бірлеріне жолдады. Олай болса, балалардың өнерін көрермен назарына ұсынамыз.
Просмотров: 316
Оңайлатылған тіркеу
