Бейтаныстан абай бол!

Құрметті ата-аналар! 

Сіздің назарыңызды балалармен жүргізілетін алдын алу жұмыстарына аударамыз: Балаларыңызға бейтаныс адамдармен кездескенде өзін қалай ұстауды үйретіңіз.

Балаларыңыздың қауіпсіздігін қадағалаңыз!

Ата-аналарға арналған жадынама 

    «Бейтаныс адаммен өзін қалай ұстау керек?»

ТӨРТ «ЖОҚ» ЕРЕЖЕСІ:

1. Бейтаныс адамдармен сөйлеспеңіз және оларды үйге КІРГІЗБЕҢІЗ!
2. Бейтаныс адамдармен лифтке немесе дәліздерге кіруге БОЛМАЙДЫ!
3. Бейтаныс адамдармен көлікке мінуге БОЛМАЙДЫ!
4. Көшеде жүргенде үлкендерден АЛЫС КЕТПЕУ КЕРЕК!

Мына жағдайларда әрқашан «ЖОҚ» деп жауап беру керек:

• Көршіңіз немесе танымайтын адам қонаққа келуге немесе үйіне апаруға ұсыныс жасаса;
• Мектепке немесе балабақшаға сізді бейтаныс адам алып кетуге келсе, ата-анаңыз ескертпесе;
• Егер сіздің пәтеріңізге ата-анаңыз жоқ кезде бейтаныс адам келсе, оны пәтерге кіргізбеу немесе онымен бірге бір жерге бармау.
• Бейтаныс адам сізге бірдеңе сыйласа/тәтті берсе.

Үйдегі және көшедегі жеке қауіпсіздік ережелері:

1.  Бейтаныс адамға есік ашпау керек, тіпті ол дәрігердің, полицейдің, пошташының және т.б. киім киіп жүрсе де.

2.  Егер бейтаныс адам есікті күшпен ашқысы келсе, полицияға хабарласып, мекен-жайыңызды айту керек, көршілердің қабырғасын қағу немесе телефон соғу керек.

3.  Ата-анасының өтінішімен келдім деген адамдарды үйге кіргізуге болмайды. Бұл туралы ата-анаға бірден хабарлауы керек.

Көшеде бейтаныс адамдармен дұрыс әрекет ету ережелері:

•   Бейтаныс адамдармен сөйлесуге болмайды. Көшеде бейтаныс адамдармен сөйлесуге тек ата-анасының қатысуымен, олардың келісімімен және бақылауымен рұқсат етіледі. Мұндай адамдармен кез келген байланыс ата-аналар арқылы жүзеге асырылуы керек.

• Бейтаныс адамдардан ештеңе, соның ішінде тәттілерді алмаңыз. Тіпті олар мейірімді болып көрінсе де және олар ұсынатын сыйлықтар зиянсыз болса да. Егер бала бейтаныс адам ұсынған кәмпитті немесе ойыншықты шынымен алғысы келсе, анасы мен әкесінен оны сатып алуды сұраған дұрыс.
• Бейтаныс адамдарға мекен-жайыңызды, телефон нөміріңізді немесе ата-анаңыз туралы ақпаратты айтпаңыз.
• Бейтаныс адаммен мектептен немесе балабақшадан ілесіп шығуға болмайды. Тіпті ата-анасының өтініші бойынша балаға келдім деп айтса да ермеу керек. Ата-аналар мұндай нәрселер туралы ескертіп, баланы кім алып кететінін алдын-ала ескерту  керек.
• Бейтаныс адамдардың бірге киноға, ойын-сауық паркіне, дүкенге бару туралы ұсыныстарын қабылдауға болмайды. Мұндай жерлерге тек ата-анамен немесе туыстармен бару қажет.
• Егер балаға күдік тудыратын адам жақындаса, ең дұрысы — алға қарай жүріп, терезелерге қарап, біреуге қол бұлғап, туыстарына қоңырау шалу. Егер телефон болмаса, полиция қызметкеріне жүгіну керек.
• Үйге қайтқанда бос және қараңғы жерлерден, шеткері немесе тұйық көшелерден аулақ жүрген дұрыс. Жарық әрі халық көп жүретін жерлермен жүру қажет.
• Егер баланың қасында көлік тоқтаса, дереу көліктен алыстап кетуі керек. Тағы да есте сақтаған жөн: ешқашан біреудің көлігіне отырмау қажет.
• Барлық күдікті жағдайларды ата-аналарға, мұғалімдерге хабарлау керек, ал төтенше жағдайларда полицияға хабарласу керек.
• Егер балаға шабуыл жасалса немесе күшпен ұсталса немесе біреу оны алып кетпек болса, мүмкіндігінше дауысын шығарып, адам көп жиналатын жерлерге жүгіріп, көмек беретін үлкен адам табу керек.
• Егер бейтаныс адам балаға шабуыл жасаса, оның негізгі міндеті – айқайлап дауысын шығару, қарсы тұру және басқа адамдардың назарын аудару.
• Балаңызбен бейтаныс адамдармен қатынас туралы жақсылап сөйлесіңіз. Оның шынымен есте сақтап, үйренгенін қадағалаңыз. Баланың бойында қорқыныш пен алаңдаушылық тудырмай тек өзін қорғауды үйреткеніңіз жөн.

«Софиевка ЖОББМ» КММ мектеп әкімшілігі

17 сәуір 2025 жыл